सरबत | कैरीचे जांभळे सरबत | Raw Mango Juice | Marathi Recipe | Homemade

कैरीचे जांभळे सरबत – आदिती पाध्ये

कैरीचे जांभळे सरबत बनवण्यासाठी लागणारे-

साहित्य:

  1. २ मध्यम कैऱ्या (साधारण २ वाट्या कैरीचे तुकडे)
  2. १/२ वाटी काळ्या मनुका
  3. १ लहान आकाराचे बीट (बिटाचे तुकडे १/२ वाटी)
  4. गोडीसाठी १ १/२ वाटी काकवी
  5. २ वाट्या लिक्विड गूळ
  6. चिमूटभर मीठ
  7. १/२ लहान चमचा जायफळ पूड

कृती:

  1. काळ्या मनुका दोन तास पाण्यात भिजवून ठेवा.
  2. कैरी व बिटाचे छोटे तुकडे करा.
  3. कैरीचे तुकडे, भिजवलेल्या काळ्या मनुका व बिटाचे तुकडे मिक्सरमध्ये थोडे पाणी घालून बारीक करून घ्या व ते गाळून घ्या. गाळलेल्या मिश्रणात साधारण तीन ग्लास पाणी घाला.
  4. वरील मिश्रणात मीठ, जायफळ पूड व काकवी घालून एकत्र करा. सर्व पदार्थ एकत्र करून मिक्सरमध्ये हवे असल्यास फिरवा.
  5. तयार सरबत फ्रिजमध्ये दोन तास ठेवून थंडगार पिण्यास द्या.

अजुन काही महत्त्वाच्या रेसीपी जाणून घेण्यासाठी आमच्या ब्लॉग ला भेट द्या.


आदिती पाध्ये

Leave a Reply

This site uses Akismet to reduce spam. Learn how your comment data is processed.