पुरणपोळ्या
पुरणपोळ्या चा पुरणासाठी लागणारे साहित्य :
- २५० ग्रॅम तांबडा भोपळा
- २०० ग्रॅम साखर अगर गूळ
- चवीप्रमाणे वेलची पूड
- अगर जायफळ / कोणत्याही आवडणारा इसेन्स
- २० ग्रॅम खसखस
- अर्धी वाटी बेसन
पोळीसाठी लागणारे साहित्य :
- १ मोठी वाटी मैदा अगर बारीक चाळणीतून चाळलेली कणिक
- वर लावायला मैदा अगर तांदळाचे पीठ
- ५० ग्रॅम तूप ( साजूक असल्यास उत्तम) / तूप
कृती :
- कणिक अगर मैदा जास्ते मोहन घालून मऊ भिजवून ठेवावे . भोपळा स्वच्छ धुवून त्याच्या फोडी करून कोणत्याही साधनाने वाफवून घ्याव्यात, चांगला शिजला पाहिजे.
- भोपळा थंड होऊ द्यावा, थंड झालेला भोपळा (साले काढलेला), साखर, बेसन वेलची अगर जायफळ , एकत्र करावे.
- पळीने घोटून एकजीव करावे. गैसवर ठेवून गोळा होऊ द्यावा, मात्र साखरेचा पाक होता कामा नये .
- आता भिजलेल्या कणकेच्या / मैद्याच्या छोट्या गोळ्या तयार कराव्यात. भोपळ्याच्या पुरणाच्या गोळीपेक्षा थोडे मोठे गोळे तयार करावेत.
- पुरणपोळी प्रमाणे हे पुरण कणकेत भरून अलगद हाताने पोळी लाटावी. लाटताना थोडा मैदा लावावा.
- आता ही पोळी हळूच तव्यावर मंदाग्नीवर भाजावी. एक बाजू झाल्यावर सर्व बाजूने तूप अगर तेल सोडावे.
- पोळीवरही तूप सोडावे व पोळी उलटावी. दुसरी बाजू झाल्यावर नंतर पोळी कालथ्याने दुमडून उतरवावी. तुपाशी अगर नारळाच्या दुधाशी खाव्यात. एवढ्या साहित्याच्या साधारण मध्यम आकाराच्या सहा पोळ्या होतात.
अजुन काही महत्त्वाच्या रेसीपी जाणून घेण्यासाठी आमच्या ब्लॉग ला भेट द्या.