मलीदा (कर्नाटकी पदार्थ)

साहित्य: 

• ४ वाटी गव्हाचे (खपली गहू असेल तर उत्तम) पीठ
• १ वाटी सुके खोबरे
• एक वाटी (किंवा आवडीनुसार) गुळ
• तूप साजूक १ १/२ वाटी
• अर्धा टीस्पून सुंठ जायफळ पूड
• खसखस अर्धी वाटी
• आवश्यकतेनुसार मीठ

श्रावण खाद्ययात्रा २०१७ स्पर्धेत सहभागी होण्यासाठी इथे क्लिक करा.

कृती :

• प्रथम गव्हाचे पीठ घेवून त्यात मीठ आणि अर्धी वाटी तूप घालून पोळीला भिजवतो तसे पीठ भिजवून २ तास ठेवणे.
• नंतर त्याच्या पोळ्या लाटून थोडया तेलावर पोळ्या खरपूस भाजून घेणे.
• गार झाल्यावर त्याचे थोडे थोडे तुकडे करुन मिक्सरला रवाळ वाटून घेणे.
• सुके खोबरे किसून भाजून मिक्सरला थोडे फिरवून घेणे.
• वाटून घेतलेल्या पोळयामध्ये खोबरे, गूळ, भाजून घेतलेली खसखस, सुंठ-जायफळ पूड, तूप आणि चवीनुसार मीठ घालून सर्व एकजीव करणे.

मलीदा खाण्यासाठी तयार.

वेळ :

६० मि. एकूण पूर्व तयारीसाठी १५ मि.

हा पदार्थ १०-१५ दिवस टिकतो.

टिपः संध्याकाळच्या छोटया भूकेसाठी उत्तम आणि पौष्टिक आहार आहे.