क्विनोआ राइस विथ थाय करी | अदिती कामत

क्विनोआ राइस

भारतीय चायनीज शैलीतील क्विनोआ व्हेजी स्टार-फ्राइड डिश ही अत्यंत सोपी व आरोग्यदायी पाककृती आहे.

साहित्य: १ मोठा चमचा तिळाचे किंवा ऑलिव्ह ऑइल, ३ लसूण पाकळ्या (बारीक चिरलेल्या), २ हिरव्या मिरच्या उभ्या चिरलेल्या, १/४ कप बारीक चिरलेला कांदा, १/४ कप किसलेले गाजर, १/४ कप गाजराचे बारीक तुकडे, १/४ कप फरसबी, १/४ कप ढोबळी मिरची (लाल व पिवळी), १/४ कप ब्रोकोली, २ छोटे चमचे सोया सॉस, १ छोटा चमचा व्हाइट व्हिनेगर किंवा अॅपल सायडर (आवडत असल्यास), ११/२ कप शिजवलेला क्विनोआ, चवीनुसार मीठ व काळीमिरी, सजावटीसाठी कांद्याची पात.

कृती:  क्विनोआ शिजवून घ्या व पूर्ण थंड होऊ द्या. कढईमध्ये तिळाचे किंवा ऑलिव्ह ऑइल मध्यम आचेवर गरम करा. त्यात चिरलेला लसूण, कांदा, हिरव्या मिरच्या घालून परतवा व मग इतर भाज्या घाला. आच मोठी ठेवून भाज्या शिजेपर्यंत आणि मऊ होईपर्यंत परतवा. त्यात सोया सॉस, व्हिनेगर घालून जास्त आचेवर परतवा. नंतर त्यात शिजवलेला क्विनोआ, मीठ, काळीमिरी पावडर घालून मिश्रण चांगले मिसळा. मंदाग्नीवर दोन-तीन मिनिटे शिजवा. कांद्याच्या पातीने सजवून सर्व्ह करा.

थाय करी

रेड करी हा थायलंडचा लोकप्रिय पदार्थ आहे.

साहित्य: १ मोठा चमचा तेल, ३ लसूण पाकळ्या (बारीक चिरलेल्या), १/२ इंच आले, १ छोटा पिवळा कांदा बारीक चिरलेला, २-३ मोठे चमचे थाय रेड करी पेस्ट, साधारण ४०० मिली नारळाच्या सायीचे दूध, पाव कप पाणी, १ छोटा चमचा ब्राउन शुगर (आवडीनुसार), १ मध्यम आकाराची झुकिनी बारीक चिरलेली, १ मध्यम आकाराची ढोबळी मिरची पातळ चिरलेली, १/२ कप बेबी कॉर्न, १/२ कप टोफू किंवा पनीर, काफिर लिंबाची पाने (किंवा अर्धे लिंबू व बेसिलचा अर्क), १ मोठा चमचा लिंबाचा रस, १/२ कप थाई बेसिल, चवीनुसार मीठ.